Blinken: Vrasja e Jamal Khashoggi 4 vjet më parë ishte një sulm ndaj lirisë së shprehjes kudo

Sekretari amerikan, Antony Blinken, në përvjetorin e katërt të vdekjes, ka përkujtuar gazetarin i cili u vra më 2018 në konsullatën saudite në Stamboll, Turqi

Sekretari amerikan i Shtetit, Antony Blinken

Sekretari amerikan i Shtetit, Antony Blinken, ka përkujtuar vdekjen e gazetarit, Jamal Khashoggi më 2 tetor të vitit 2018.

Përmes një postimi në Twitter, Blinken ka cilësuar vrasjen e tij sikurse një sulm ndaj lirisë së shprehjes kudo në botë gjersa ka theksuar se ai do të vazhdojë t’i mbështesë mbrojtësit e të drejtave të njeriut.

“Vrasja e Jamal Khashoggi 4 vjet më parë ishte gjithashtu një sulm ndaj lirisë së shprehjes kudo. Gjersa mbajmë zi për Jamalin, ne do të vazhdojmë të qëndrojmë dhe të mbështesim mbrojtësit e të drejtave të njeriut, gazetarët dhe të tjerët për të mbrojtur liritë themelore në mbarë botën”, ka shkruar ai.

Presidenti i SHBA-së, Joe Biden kishte thënë se ngriti çështjen e vrasjes së gazetarit Jamal Khashoggi, gjatë një takimi me princin e kurorës saudite, Mohammed bin Salman, në korrik të këtij viti. Nga ana tjetër, princi saudit gjithmonë i ka mohuar akuzat dhe prokurorët sauditë, të cilët i fajësuan agjentët “mashtrues” të Arabisë Saudite.

Më 2 tetor të vitit 2018, Jamal Khashoggi, një gazetar saudit u vra nga agjentë të qeverisë saudite në konsullatën saudite në Stamboll, Turqi.

Princi i Arabisë Saudite e mohon vrasjen e Khashoggit, Biden: Mendoja se ishte ai

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika