Një ashensor i një ndërtese në Prizren është bllokuar dhe në të kanë mbetur dy të dyshuarit që kanë filluar të grinden mes vete.
Policia e Kosovës raporton se në vendin e ngjarjes kanë dalë njësiti policor dhe i zjarrfikësve dhe kanë hapur me forcë ashensorin.
Njëri prej të dyshuarve ka kanosur zyrtarët policorë, njërin prej tyre e kanë sulmuar.
Gjatë kontrollit te i dyshuari i është gjetur një thikë, i njëjti me vendim të prokurorit është dërguar në mbajtje.
“Prizren 19.08.2023-07:50. Është raportuar se ashensori i një ndërtese është bllokuar dhe si pasojë kanë mbetur dy të dyshuar, të cilët kanë filluar në grindje në mes veti. Njësiti policor dhe i zjarrfikësve kanë dalë në vendin e ngjarje dhe me forcë kanë hapur ashensorin ku i dyshuari i ka kanosur zyrtarët policorë dhe njërin prej tyre e ka sulmuar. Gjatë kontrollit te i dyshuari i është gjetur një thikë, me vendim të prokurorit është dërguar në mbajtje”, thuhet në raportin e Policisë.