Borrell: Nuk ka BE të sigurt, pa një Ballkan Perëndimor të fortë e paqësor

Përfaqësuesi i lartë i BE-së për politikën e jashtme dhe sigurinë, Josep Borrell, ka theksuar se nuk do të ketë Bashkimi Evropian të sigurt pa një Ballkan Perëndimor të qëndrueshëm, të fortë dhe paqësor. Dhe sipas tij, kjo është arsyeja pse që nga viti 2002 BE-ja ka investuar rreth 38 milionë euro në aktivitetet e kontrollit të armëve në rajon

Përfaqësuesi i lartë i Bashkimit Evropian (BE), Josep Borrell, ka deklaruar se Rajoni i Ballkanit Perëndimor në tërësi ka për detyrë të luftojë kundër dhunës, kundër trafikantëve, kundër trafikimit, për të parandaluar që ata të kontaminojnë të gjithë kontinentin.

Këto komente Borrell i bëri gjatë takimit të nivelit të lartë mbi zbatimin e veprimeve specifike për Evropën Juglindore të planit të veprimit të BE-së për trafikimin e armëve të zjarrit 2020-2025, duke përfshirë zbatimin e udhërrëfyesit rajonal për kontrollin gjithëpërfshirës të armëve të vogla dhe të lehta në Ballkanin Perëndimor.

“Rajoni i Ballkanit Perëndimor në tërësi ka për detyrë të luftojë kundër dhunës, kundër trafikantëve, kundër trafikimit, për të parandaluar që ata të kontaminojnë të gjithë kontinentin. Të gjithë e dinë se ky aktivitet, trafikimi, është një kërcënim serioz për paqen dhe stabilitetin tonë. Është një kërcënim i shumanshëm, që ndikon në stabilitetin e rajonit, të shteteve, të shoqërive dhe rrit rrezikun e sulmeve terroriste. Ne duhet ta luftojmë atë, pasi është një problem i shumanshëm”.

“Ne duhet ta sulmojmë atë nga shumë kënde, dhe me të gjitha mjetet tona, përtej të gjithë kufijve. Duke u siguruar që masat e marra pas incidenteve të tilla tragjike, ne të qëndrojmë në përputhje me standardet ndërkombëtare. Ne ndajmë një objektiv të përbashkët për të rritur sigurinë evropiane, për të mbrojtur të gjithë qytetarët tanë, qoftë këtu në Bashkimin Evropian, qoftë, dua ta theksoj, në vendet tona anëtare të ardhshme”, ka deklaruar ai, raporton KP.

Sipas tij, që prej 20 vjetësh, Bashkimi Evropian ka investuar rreth 38 milionë euro në aktivitetet e kontrollit të armëve në rajon.

“Nuk do të ketë një Bashkim Evropian të sigurt, pa një Ballkan Perëndimor të qëndrueshëm, të fortë dhe paqësor. Dhe kjo është arsyeja pse që nga viti 2002, që prej 20 vitesh, Bashkimi Evropian ka investuar rreth 38 milionë euro në aktivitetet e Kontrollit të Armëve në rajon”, ka thënë ai.

Ndryshe, Borrell ka folur për rëndësinë e luftës kundër tregtisë së armëve të vogla dhe trafikut të tyre në Ballkanin Perëndimor. Ai ka shprehur ngushëllime për viktimat e tragjedive të fundit në Serbi dhe ka theksuar nevojën për bashkëpunim të vazhdueshëm për të garantuar sigurinë evropiane.

Shija e redaktorit

Spanja kampione e Evropës për herë të katërt

Ka mbaruar super ndeshja mes Spanjës dhe Anglisë në kuadër të finales së Kampionatit Evropian 2024. Pas një loje fantastike, Spanja ka përmbyllur ndeshjen me...

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Të fundit nga rubrika