Reagimet u përhapën nga e gjithë bota për vdekjen e legjendës braziliane të futbollit, Pele.
Ai vdiq nga kanceri, në Brazil, në moshën 82-vjeçare.
“Një lamtumirë e thjeshtë për Mbretin e përjetshëm, Pelé, nuk do të mjaftojë kurrë për të shprehur dhimbjen që godet të gjithë botën e futbollit në këtë moment. Një frymëzim për kaq shumë miliona, një referencë e së djeshmes, sot, gjithmonë. Dashuria që ai ka treguar gjithmonë për mua ishte e ndërsjellë në çdo moment që ndamë, qoftë edhe në distancë. Ai nuk do të harrohet kurrë dhe kujtimi i tij do të zgjasë përgjithmonë në secilin prej nesh adhuruesve të futbollit. U prehsh në paqe mbreti Pelé”, e ka përkujtuar Cristiano Ronaldo, ylli portugez i futbollit.
“Vendi juaj është në anën e Zotit. Mbreti im i përjetshëm. Pusho në paqe”, ka shkruar fituesi i Kupës së Botës 1970, Roberto Rivellino dhe shoku i skuadrës së Pele në kombëtaren braziliane.
“Përpara Pelé, ’10’ ishte vetëm një numër. E kam lexuar diku në një moment të jetës sime. Por kjo linjë e bukur, është e paplotë. Unë do të thoja se më parë, futbolli Pele ishte vetëm një sport. Pelé ndryshoi gjithçka. Ai e shndërroi futbollin në art, argëtim. Ai u dha zë të varfërve, zezakëve dhe mbi të gjitha i dha shikueshmëri Brazilit. Futbolli dhe Brazili ngritën pozitën e tyre falë Mbretit! Ai është larguar, por magjia e tij do të qëndrojë. Pelé është i përjetshëm”, ka thënë ylli brazilian i futbollit, Neymar.
“Me vdekjen e Peles, futbolli ka humbur një nga legjendat e tij më të mëdha, nëse jo më të madhin. Si të gjitha legjendat, Mbreti dukej i pavdekshëm. Ai i bëri njerëzit të ëndërrojnë dhe vazhdoi ta bënte këtë me brezat dhe brezat e adhuruesve të sportit tonë. Kush, si fëmijë, nuk ëndërronte të ishte Pelé? …. Mbreti do të mbetet Mbret, përgjithmonë”, ka shkruar, Didier Deschamps, ish-lojtar dhe menaxher i kombëtares franceze.
“Do të jetë shumë e vështirë të gjesh një tjetër Pelé. Pelé kishte gjithçka që duhet të kishte një lojtar. I shkathët, kërceu si askush, mund të godiste me të dyja këmbët, fizikisht shumë i fortë dhe trim. Nuk kishte njeri si Pele,” — Cesar Luis Menotti, trajner argjentinas dhe bashkëlojtar i Pele në klubin e futbollit Santos në Brazil.
“Lamtumirë mbretit. Mjeshtri i lojës së bukur”, ka shkruar klubi i futbollit Chelsea.
“Manchester City është i pikëlluar kur mësoi për ndarjen nga jeta të legjendës braziliane Pelé, një nga lojtarët më të mëdhenj të të gjitha kohërave që bëri kaq shumë për lojën e bukur. U prehtë në paqe”, ka shkraur klubi i futbollit, Manchester City.
Manchester City are saddened to learn of the passing of Brazil legend Pelé, one of the all-time greats who did so much for the beautiful game. May he rest in peace 💙 pic.twitter.com/ufWoNWWcE9
— Manchester City (@ManCity) December 29, 2022
“Faleminderit për gëzimin që u sollët tifozëve të futbollit në mbarë botën,” – ka shkruar klubi i futbollit, Manchester United.
O maior de todos! O Rei, a inspiração, o exemplo, o único, o ETERNO!! 👑 @Pele pic.twitter.com/rm8ptubPC2
— Antony Santos (@antony00) December 29, 2022
“Mbreti i futbollit është larguar nga ne, por trashëgimia e tij nuk do të harrohet kurrë”, ka shkruar ylli francez, Kylian Mbappe.
The king of football has left us but his legacy will never be forgotten.
RIP KING 💔👑… pic.twitter.com/F55PrcM2Ud— Kylian Mbappé (@KMbappe) December 29, 2022