BQK: Dërgesat e mërgatës deri në muajin tetor arrijnë në 1.2 miliardë euro

Dërgesat nga mërgata në Kosovë kanë shënuar një rritje prej 10.9% në periudhën janar-tetor 2023, duke arritur vlerën e 1.2 miliardë euro. Në muajin tetor vetëm, vlera e remitancave ka qenë 110.5 milionë euro. Raporti i Bankës Qendrore të Kosovës tregon se prurjet më të mëdha vijnë nga institucionet financiare jo-bankare me 60.4%, ndjekur nga kanalet tjera me 24.2% dhe bankat me 15.4%.

Një miliard e 200 milionë euro është vlera e dërgesave nga mërgata nga muaji janar deri në tetor të këtij viti ka njoftuar Banka Qendrore të Kosovës. Sipas tyre, kjo paraqet rritje prej 10.9 për qind krahasuar me periudhën e njëjtë të vitit 2022.

Në statistikat e remitancave dhe institucioneve tjera financiare për muajin tetor 2023, të publikuara nga BQK, thuhet se vlera e remitancave për muajin tetor ishte 110.5 milionë euro.

Sipas raportit, prurjet më të mëdha e këtyre dërgesave ishin nga institucionet financiare jobankare me pjesëmarrje prej 60.4%, pasuar nga kanalet e tjera me 24.2% dhe bankat me 15.4%.

Sipas BQK-së, sa i përket aseteve të kompanive të sigurimit, deri në muajin shtator vlera e tyre ishte 300.4 milionë euro. Ndërsa, asetet e fondeve pensionale kanë arritur vlerën e 2.60 miliardë eurove.

Në fund, BQK-ja tregon se asetet e ndërmjetësve të tjerë financiarë në fund të muajit tetor 2023 janë rritur për 17.6 milionë euro, krahasuar me muajin paraprak duke arritur vlerën e 496.5 milionë eurove.

Shija e redaktorit

Realizohet fotografia familjare e samitit në Tiranë

Siç e do zakoni, pjesëmarrësit në samitin “Ukrainë-Europa Juglindore”, që po mbahet në kryeqytetin e Shqipërisë, Tiranë, kanë realizuar “fotografinë familjare” Presidenti i Ukrainës,  Vlodymyr...

Osmani: Momenti i njohjes së Kosovës do të vijë bashkë...

Në Tiranë ka nisur mbërritja e liderëve nga Evropa juglindore në samitin për Ukrainën, që po organizohet me ftesë të kryeministrit të Shqipërisë, Edi...

Cristiano Cardoso, braziliani i Drenicës

Po stërvit shumë larg nga shtëpia, por në Skenderaj ndihet sikur në shtëpi. Cristiano Cardozo është portieri brazilian i Drenica Futsal, të cilin krahas punës...

Të fundit nga rubrika