“Britania do t’i kërkojë Kosovës të pranojë emigrantë”
Britania e Madhe do të kërkojë nga Kosova që të pranojë emigrant të cilët mundohen në arrijnë me barka në Mbretërinë e Bashkuar. Kjo ide është pjesë e planeve për të hapur një varg “qendrash të kthimit” jashtë vendit, ka raportuar “The Times”. Sipas gazetws britanike Kosova është në mesin e nëntë vendeve të cilat […]
Britania e Madhe do të kërkojë nga Kosova që të pranojë emigrant të cilët mundohen në arrijnë me barka në Mbretërinë e Bashkuar.
Kjo ide është pjesë e planeve për të hapur një varg “qendrash të kthimit” jashtë vendit, ka raportuar “The Times”.
Sipas gazetws britanike Kosova është në mesin e nëntë vendeve të cilat po shqyrtohen si mundësi për emigrantët.
Tutje britanikja raporton se në vendin tonë do të mund të vijnë personat që u është refuzuar azili, pasi që i kanë shfrytëzuar të gjitha mundësitë për apelimin e vendimit në Britani.
Gjatë muajit maj, presidentja Vjosa Osmani kishte deklaruar se Kosova do të ishte e hapur për diskutim për çështjen e qendrave për imigrantët e paligjshëm që ia mësyjnë Mbretërisë së Bashkuar.
Këtë plan që aktualisht është vetëm një ide e ka komentuar zëdhënësi i Qeverisë në detyrë.
Përparim Kryeziu për TV Dukagjini ka thekuar se “dëshirojmë të ndihmojmë Mbretërinë e Bashkuar, mikun, partnerin dhe aleatin tonë, si dhe qeverinë e saj Laburiste”.
Përparim Kryeziu – Zëdhënës i Qeverisë në Detyrë deklaroi se “Besojmë se është e drejtë të themi se mund të fillojmë diskutimet mbi këtë temë, por të gjitha institucionet tona shtetërore duhet të përfshihen dhe më pas vendimi do të varet nga rekomandimet e tyre. Shumë pyetje do të kenë nevojë për përgjigje paraprakisht”
Për këtë çështje është pyetur edhe Ambasada Britanike në Kosovë.
Ata nuk dhanë ndonjë sqarim shtesë, përpos që e cituan kryeministrin Keir Starmer i cili më 15 maj kishte deklaruar se janë në bisedeme me disa vende për qendra të kthimit, duke i vlerësuar si risi të rëndësishme.
Eksperët e sigurisë mendojnë se kjo ide nëse bëhet realitet mund të jetë sfiduese në aspektin e sigurisë, atw politik por edhe social.
Dita Maksaqi thotë se në negociatat e mundshme qëllim duhet të jetë që i gjithë projekti të jetë nën meanxhim dhe përgjegjësi të britanikëve.
Dita Maksaqi – Eksperte në fushën e sigurisë deklaroi se “Të ketë transparencë, të ketë garancion ligjore ndëkombëtar, të ketë mbështetje financiare stabile, dhe mbështetje teknik e cila është shumë me rëndësi, dhe të ketë respekt për sovranitetin e sigurisë kombëtare.”
Në aspektin e infrastrukturës Makasqi thotë se duhet të ketë: Qendra të posaçme pritjeje dhe akomodimi, Siguri të përforcuar dhe kontroll i aksesit, Infrastrukturë shëndetësore dhe psikologjike, Infrastrukturë teknologjike për regjistrim dhe monitorim dhe lokacion të përzgjedhur me kujdes.
Organizata ndërkombëtare për të drejtat e njeriut, “Human Rights Watch”, ka kërkuar nga Mbretëria e Bashkuar dhe Bashkimi Evropian që mos e përdorin Ballkanin si një “magazinë për migrantët”, duke e i përsëritur kritikat ndaj idesë për qendra të kthimit në vende të treta për azilkërkuesit.















