Sipas njoftimit të Zyrës së Jashtme, FCDO, të Mbretërisë së Bashkuar, ditën e hënë, sanksionet e reja ekonomike, tregtare dhe të trasportit do të ndalojnë importin e hekurit dhe çelikut bjellorus.
Ndërkohë ndalohet eksporti i mallrave të rafinimit të naftës, komponentëve teknologjikë të avancuar si dhe produkteve luksoze.
Këto sanksione do të hyjnë në fuqi që në ditën e martë të cilat do të ndalojnë kompanitë bjelloruse të lëshojnë borxhe dhe letra me vlerë në Londër, sipas FCDO.
“Regjimi i Bjellorusisë ka lehtësuar në mënyrë aktive pushtimin e Putinit, duke e lënë Rusinë të përdorë territorin e saj për të mposhtur Ukrainën, duke lëshuar trupa dhe raketa nga kufiri i tyre dhe duke fluturuar avionë rusë përmes hapësirës së tyre ajrore”, thuhet në deklaratën e FCDO.
Presidenti i Bjellorusisë Aleksandër Lukashenko gjithashtu ka mbështetur hapur narrativën e Kremlinit, duke pretenduar se Kievi po ‘provokonte Rusinë’ për të justifikuar pushtimin e përgjakshëm të Putinit, shtoi ai.
Mbretëria e Bashkuar kishte vendosur më parë tarifa për një sërë mallrash bjelloruse dhe sanksionoi disa qytetarë dhe kompani bjelloruse.