Britania e shqetësuar për gjuhën e përdorur dhe rritjen e tensioneve mes Kosovës dhe Serbisë

Ambasada britanike në Kosovës ka thënë se takimi i kryeminsitrit Albin Kurti dhe rpesidentit Aleksandër Vuçiq, që pritet të ndodhë të enjten në Bruksel, është një mundësi e mirë për t’i ulur tensionet dhe për t’i normalizuar marrëdhëniet

Emisari i Britanisë së Madhe për Ballkanin Perëndimor, Sir Stuart Peach

Emisari i Britanisë së Madhe për Ballkanin Perëndimor, Sir Stuart Peach, të martën e 16 gushtit ka zhvilluar një bisedë telefonike me kryeministrin e Kosovës, Albin Kurti, dhe presidentin e Serbisë, Aleksandër Vuçiq.

Dy ditë para takimit në Bruksel midis krerëve të dy shteteve fqinje, siç njofton Ambasada e Britanisë në Kosovë, Peach ua ka bërë të qartë Kurtit dhe Vuçiq se gjatë takimit të tyre t’i vënë në rend të parë qytetarët.

“Përfaqësuesi Special i Britanisë së Madhe për Ballkanin Perëndimor, Sir Stuart Peach, ka folur dje me kryeministrin e Kosovës dhe presidentin e Serbisë, duke cekur shqetësimin e Britanisë për rritjen e tensioneve dhe gjuhën e përdorur në ditët e fundit. Liderët tash kanë mundësi dhe përgjegjësi në bisedimet në Bruksel të vënë qytetarët e tyre në rend të parë, të ndërtojnë më tepër në përparimet e bëra në dialog deri më tash dhe të bëjnë hapa më të mëdhenj drejt normalizmit të marrëdhënieve”, thuhet në njoftimin e ambasadës.

Ndërkaq, Sekretari i Përgjithshëm i Aleancës Veriatlantike (NATO), Jens Stoltenberg, të mërkurën e 17 gushtit, në Bruksel do të zhvillojë takime ndaras me kryeministrin e Kosovës, Albin Kurti dhe presidentin e Serbisë, Aleksandër Vuçiq.

Kështu është bërë e ditur në faqen zyrtare të NATO-s, ku thuhet se Stoltenberg takimin e tij me Vuçiqin do ta nisë nga ora 15:30 kurse me Kurtin nga ora 17:00.

Pas secilit është paralajmëruar se do të mbahet konferencë për media.

“Sekretari i përgjithshëm dhe Kurti do të mbajnë konferencë të përbashkët në selinë e NATO-s pas takimit të tyre”, thuhet në njoftim.

Takimi me Stoltenbergun vjen një ditë para se Kurti e Vuçiq të ulen në tavolinën e bisedimeve në Bruksel në kuadër të dialogut Kosovë – Serbi.

Të dy krerët e dy shteteve fqinje do të priten nga Përfaqësuesi i Lartë i Bashkimit Evropian, për Politikë të Jashtme, Josep Borrell dhe nga Përfaqësuesi special i BE-së për dialogun Kosovë – Serbi, Miroslav Lajçak.

Takimi do të nisë të enjten nga ora 10:30.

“Do t’i adresohet çështjeve aktuale dhe ka synim të zbusë tensionet aktuale në terren. Përfaqësuesi i Lartë do të mbajë edhe takime të ndara me secilin lider”, thuhet nga BE-ja.

Sipas njoftimit, ky takim gjithashtu do të trajtojë çështjet aktuale dhe do të synojë zbutjen e tensionit aktual në terren.

“Përfaqësuesi i Lartë do të zhvillojë gjithashtu takime të veçanta me secilin lider. Në fund të takimit do të ketë një deklaratë për mediat nga Përfaqësuesi i Lartë”, thuhet më tutje.

Shija e redaktorit

Intervistë me Mimoza Hasani-Pllana, flet për poezitë dhe kategoritë e...

“Shtegtimi i shqipes në Evropë”, "Komunikimi ndërkulturor” dhe “Poezia e Kosovës në tri kontekste”, janë disa nga librat e fundit të autores, Mimoza Hasani-Pllana. Talentin...

Qenësia e Zarathustrës së Niçes në shqip nga Taulant Hatia

“Njeriu është diçka që duhet të mposhtet. Njeriu është një litar, i lidhur midis kafshës dhe mbinjeriut - një litar mbi një humnerë. Ajo...

Ndryshimi që erdhi nga protestat e studentëve këmishëbardhë të UP-së

“Liria mund të të mos bëjë të lumtur, por të bën njeri”. Këtë thënie e kujton Driton Lajçi, Nënkryetar i Unionit të Pavarur të Studentëve...

Më të lexuarat

Ymeri: Kurti është një hap para dialogut dhe marrëveshjeve me...

“Kryeministri i Kosovës, Albin Kurti është është një hap para në dakordim të dialogut dhe marrëveshjeve  me Serbinë”. Kështu, ka deklaruar analisti politik, Visar Ymeri,...

Maqedonia nuk i njeh letërnjoftimet serbe të institucioneve paralele

“Kjo nuk ka qenë temë diskutimi fare…” Kjo ishte përgjigjja e ministrit të Punëve të Brendshme, Xhelal Sveçla në pyetjen nëse serbët mund ta kalojnë...

Dhunohet 13-vjeçarja, viktima është 8 muajshe shtatëzënë

“Jam frigu tha prej meje, dëmëthënë prej prindit. Jam frigu me tregu, kom mendu se hajt kurgjo nuk është”. Kështu nis rrëfimi i një ngjarjeje...

Të fundit nga rubrika