Britania: Moska mund të jetë duke përgatitur një bllokadë të Detit të Zi

Zyrtarë të Ministrisë britanike të Mbrojtjes thanë se ekziston mundësia, që forcat ruse po përgatisin “një bllokadë të Ukrainës” në këtë korridor

Zyrtarë të Ministrisë britanike të Mbrojtjes thanë sot se Rusia ka ndryshuar aktivitetet e saj detare në Detin e Zi, duke theksuar se ekziston mundësia, që forcat ruse po përgatisin “një bllokadë të Ukrainës” në këtë korridor.

Javën e kaluar, Rusia u tërhoq nga një marrëveshje gati njëvjeçare e ndërmjetësuar nga Kombet e Bashkuara dhe Turqia, e cila mundësonte kalimin e sigurt të grurit ukrainas, nëpërmjet Detit të Zi.

Përpara marrëveshjes, agresioni rus ishte bërë pengesë për eksportet e grurit nëpërmjet porteve ukrainase, duke përkeqësuar krizën globale ushqimore.

Në raportin e përditshëm të Ministrisë britanike të Mbrojtjes thuhej Moska kishte vendosur në Detin e Zi luftëanijen e vogël ruse ‘Sergey Kotov’, për të patrulluar korridorin detar mes ngushticës së Bosforit dhe Odesës, qytetit-port në jug të Ukrainës.

“Ekziston një mundësi reale që anija patrulluese po shërben si pjesë e një grupi pune për të penguar anijet tregtare që Rusia beson se shkojnë në Ukrainë”, thuhet në raportin e Ministrisë britanike të Mbrojtjes./VOA

Shija e redaktorit

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Blinken duartroket rolin e Osmanit për hapjen e qendrës rajonale...

Sekretari amerikan i Shtetit, Antony Blinken, ka vlerësuar rolin e presidentes së Kosovës, Vjosa Osmani, në hapjen e qendrës rajonale “Gratë, Paqja dhe Siguria”...

Të fundit nga rubrika