“Ne kemi harxhuar 2 vitet e fundit në Bruksel, duke negociuar një marrëveshje ligjërisht të detyrueshme mes Kosovës dhe Serbisë. Më 18 mars në Ohër [Përfaqësuesi i lartë i Bashkimit Evropian për Politikë të Jashtme, Josep Borrell, njoftoi zyrtarisht për marrëveshjen [arritur ndërmjet Kosovës dhe Serbisë]. Ajo që është rënë dakord duhet të zbatohet plotësisht dhe menjëherë. Asnjë zbatim i pjesshëm pa vonesa”.
Ky ishte reagimi i kryeministrit të Kosovës, Albin Kurti, e që ka nxitur kryeministren e Serbisë, Ana Bërnabiq, të bëjë një kundërreagim ndaj kërkesë së Kurti që marrëveshja e Ohrit të “zbatohet plotësisht dhe menjëherë”.
Sipas Bërnabiqit, Serbia është duke pritur që një dekadë që Kosova ta zbatojë Marrëveshjen e Brukselit.
“Për tre ditë, më 19 prill, bëhen saktësisht 10 vjet, një dekadë e tërë, nga nënshkrimi i Marrëveshjes së Brukselit, ne kemi pritur 10 vjet që Kosova të bëjë punën e saj, 10 vjet që ta formojë Asociacioni i Komunave me shumicë serbe. Bëje atë”, ka shkruar Bërnabiq në Twitter.
In 3 days, on 19 April, it will be exactly 10 yrs, a whole decade, since the Brussels Agreements was signed. We've been waiting for 10 yrs for Priština to do its part of the work, 10 yrs for the Community of Serb Municipalities to be established. Do it. @eu_eeas @MiroslavLajcak https://t.co/uhc1mZKtH5
— Ana Brnabic (@anabrnabic) April 16, 2023