Kapiteni i Manchester Unitedit i cili me sa duket kërkoi të zëvendësohej teksa të kuqtë dolën në epërsi në Anfield, u pa duke shtyrë gjyqtarin anësor gjatë pjesës së dytë të ndeshjes, ku djajtë e kuq pësuan gjashtë gola, për të humbur në fund 7:0.
Ndërsa portugezi nuk u ndëshkua gjatë lojës, FA mund të marrë masa disiplinore retrospektive për sjellje të dhunshme në fushë, me Mirror që raportoi se një hetim do të fillojë.
Sidoqoftë, Daily Mail më vonë zbuloi se FA që atëherë ka konfirmuar se nuk do të ndërmerret asnjë veprim për shtyrjen, që do të thotë se Fernandes i ka shpëtuar çdo dënimi të mundshëm.
Organizata e gjyqtarëve në Mbretërinë e Bashkuar i ka kërkuar FA-së të marrë masa të rrepta kundër portugezit.
Shefi ekzekutiv i organizatës, Martin Cassidy ka thënë se “Ashtu si dikush që bën një festim të Ronaldos ose një driblim të Cruyff, fëmijët do të imitojnë atë që shohin në TV. Po flasim për një gjyqtar të klasit botëror që shtyhet nga pas këtu. Barra është sigurisht mbi FA-në. Ata kanë të gjitha provat para tyre për të dërguar një mesazh të fortë në të gjithë futbollin se prekja e një zyrtari të ndeshjes në këtë mënyrë është krejtësisht e papranueshme. “Fernandes u soll si një fëmijë. FA ka bërë një punë jashtëzakonisht të madhe që nga fillimi i vitit në drejtim të mbrojtjes së zyrtarëve të ndeshjes, siç është piloti i kamerës së trupit, që është një lëvizje e mrekullueshme progresive. Por ata mund ta dëmtojnë atë duke mos e adresuar këtë me një ndalim të fortë. Ne besojmë se duhet të jenë pesë ndeshje pezullim për këtë.”
FA kohët e fundit u shkroi të gjitha klubeve të Premierligës dhe u kujtoi atyre përgjegjësitë e tyre në lidhje me sjelljen e lojtarëve.
Ndërsa kishte sugjerime të vlefshme për një gjobë dhe pezullim për shtyrjen, tani duket sikur Fernandes do të shpëtojë mrekullisht.
Megjithatë, ka pasur gjithashtu thirrje që atij t’i hiqet shiriti i kapitenit të Unitedit për shkak të gjestit të tij gjatë humbjes në Liverpool.