Në takimin me ministrin e Financave, Hekuran Murati, kryetari i Bashkimit të Sindikatave të Pavarura të Kosovës (BSPK), Atdhe Hykolli, ka kërkuar nga ai nga 100 euro për punëtorët e sektorit publik derisa të miratohet ligji i pagave.
Në njoftimin e BSPK-së, thuhet se të dy partnerët socialë, janë takuar në mjediset e Qeverisë së Kosovës, për të diskutuar për gjendjen ekonomike e sociale të të punësuarve në sektorin publik.
Sipast njoftimit, në takim ësht
ë diskutuar për kërkesat e sindikatave në hartimin e Projektligjit për paga dhe për nisjen e zbatimit të Ligjit të Sigurimit Shëndetësor.
“U fokusuam në zgjidhjen e kërkesave sindikale përkitazi me përfundimin e hartimit të Projektligjit të Pagave, me Plotësim-Ndryshimin e Ligjit të Skemave Pensionale të Financuara nga Shteti, dhe për nisjen e zbatimit të Ligjit të Sigurimit Shëndetësor”, thuhet në komunikatën e BSPK.
Kjo kërkesë e sindikatave u kërkua të plotësohet para datës së 10 gushtit ku pritet të merren vendime për veprimet e mëtutjeshme sindikaliste.
Ndërkaq, kërkesat e kahmotshme të sindikatave janë:
Kërkesat e BSPK-së, janë:
Rritja e pagave për 100 euro për të gjithë të punësuarit që marrin paga nga buxheti i Kosovës deri sa të përmbushen kërkesat e mëposhtme.
Miratimi i Ligjit të Pagave.
Rritja e rrogës minimale
Fillimi i zbatimit të Ligjit për Sigurimin Shëndetësor
Plotësim-ndryshimi i Ligjit për Skemat Pensionale
Të ndryshohet neni në Ligjin e Sigurisë Pensionale të vitit 1983, sipas të cilit, kërkohet që të ketë 15 vjet kontribut në skemat pensionale para datës 01.01.1999.