BSPK: Të enjten do të ketë grevë njëorëshe në institucionet publike

Bashkimi i Sindikatave të Pavarura të Kosovës (BSPK), ka paralajmëruar grevë njëorëshe për ditën e enjte. Nëse nuk merren parasysh kërkesat e tyre, më 20 maj grevës të së enjtes do t’i paraprijë një grevë gjithëpërfshirëse

Atdhe Hykolli, kryetar i BSPK-së

Grevë njëorëshe do të ketë të enjten në të gjitha institucionet publike. Kështu ka paralajmëruar Bashkimi i Sindikatave të Pavarura të Kosovës (BSPK).

Në njoftimin e tyre thuhet se ky veprim po bëhet pa dëshirën e tyre, por që, janë të detyruar  si pasojë e mospërfilljes së kërkesave  nga ana e ekzekutivit.

BSPK-ja pret që të ketë dialog të mirëfilltë me institucionet qeverisëse të vendit, në mënyrë që të përmbushen kërkesat e sindikalistëve.

“Bashkimi i Sindikatave të Pavarura të Kosovës nuk do dhe nuk dëshiron që mjetin e fundit të pakënaqësisë sindikaliste – Grevën ta përdorë kurdo dhe të parën, po kur zëri i arsyes nuk hap rrugën e duhur në të mirë të veprimeve të duhura që do të krijonin parakushtet dhe kushtet e duhura të qetësisë dhe të mirëqenies shoqërore-ekonomike atëherë nuk i mbetet tjetër veçse hyrja në Grevë”, thuhet në njoftimin e tyre.

Tutje në njoftimin e tyre thuhet se organizatorët e grevës do të përkujdesen që, edhe pse në grevë, shërbimet parësore të mos u mungojnë qytetarëve.

BSPK-ja ka njoftuar se, nëse nuk përmbushen kërkesat e kërkuara nga ta, më 20 maj do të ketë grevë gjithëpërfshirëse.

Kërkesat e BSPK-së, janë:

  1. Rritja e pagave për 100 euro për të gjithë të punësuarit që marrin paga nga buxheti i Kosovës deri sa të përmbushen kërkesat e mëposhtme.
  2. Miratimi i Ligjit të Pagave.
  3. Rritja e rrogës minimale
  4. Fillimi i zbatimit të Ligjit për Sigurimin Shëndetësor
  5. Plotësim-ndryshimi i Ligjit për Skemat Pensionale
  6. Të ndryshohet neni në Ligjin e Sigurisë Pensionale të vitit 1983, sipas të cilit, kërkohet që të ketë 15 vjet kontribut në skemat pensionale para datës 01.01.1999.
BSPK

Shija e redaktorit

Lansohet platforma e-Komuna, Kurti: Drejt një qeverisjeje digjitale me fokus...

Ministria e Administrimit të Pushtetit Lokal ka organizuar të premten ceremoninë e lansimit të shërbimeve të e-Komuna, e cila është pjesë e platformës shtetërore...

ASK: Në Kosovë s’ka rënie të madhe të numrit të...

Procesi i regjistrimit të popullsisë në Kosovë përfundon këtë të premte, pas fillimit të tij më 5 prill, rezultatet preliminare të të cilit pritet...

Osmani bisedon me homologun gjerman, diskuton rëndësinë e anëtarësimit të...

Presidentja e Kosovës, Vjosa Osmani, të martën mbrëma ka zhvilluar një bisedë telefonike me homologun gjerman, Frank-Walter Steinmeier. Në një postim në rrjetin social "X",...

Të fundit nga rubrika