Kandidati i Partisë Demokratike të Kosovës (PDK) për kryetar të Lipjanit, Shukri Buja, ka kritikuar qeverisjen aktuale të komunës për ndryshimin e projektit të zgjerimit të rrugëve kryesore të qytetit.
Ai tha se ky projekt, i cili ishte paraparë të zgjidhte problemet e trafikut në Lipjan, është reduktuar nga katër korsi në vetëm tri, duke sjellë bllokime të kryqëzimeve dhe kaos në komunikacion.
“Qyteti i Lipjanit është vazhdimisht në rritje dhe ka nevojë për zgjidhje afatgjata në trafik.
Prandaj nisëm projektin për zgjerimin e rrugëve kryesore me 4 korsi, me shtigje për biçikleta dhe trotuare për këmbësorët.
Fatkeqësisht, qeverisja aktuale e ndryshoi projektin:
nga katër korsi në vetëm tri, duke sjellë kaos trafiku dhe bllokim të kryqëzimeve.
Ne do ta përfundojmë projektin ashtu siç ishte planifikuar:
– Katër korsi të plota për qarkullim,
– Dy rrethrrotullime funksionale për lehtësimin e pengesave,
– Vazhdimin e rrugës Qamil Olluri deri te rruga Sadik Shala, që do të shkarkojë qendrën nga trafiku i rënduar.
Ky nuk është vetëm një projekt rruge”, ka shkruar Buja.