Nga sot, qytetarët e Bullgarisë dhe Rumanisë mund të udhëtojnë pa kontrolle kufitare drejt çdo shteti tjetër të zonës Schengen, duke përfshirë edhe kalimet tokësore.
Kontrollet kufitare për udhëtimet ajrore dhe detare u hoqën që në mars, ndërsa kufijtë tokësorë ishin ende të mbikëqyrur deri tani.
Me anëtarësimin e Bullgarisë dhe Rumanisë, zona Schengen është zgjeruar në 28 shtete.
Fillimisht, kontrolli kufitar u hoq në vitin 1985 mes pesë vendeve: Francës, Gjermanisë, Belgjikës, Holandës dhe Luksemburgut. Sot, zona Schengen përfshin 25 nga 27 vendet anëtare të BE-së, si dhe Islandën, Lihtenshtejnin, Norvegjinë dhe Zvicrën.
Ndërkohë, Irlanda dhe Qiproja mbeten jashtë zonës Schengen.