Kryetari i Podujevës, Shpejtim Bulliqi ka reaguar pas vërshimeve që ndodhen gjatë kësaj të diele.
Kryetari i Podujevës ka thënë se së bashku me drejtorin e Shërbimeve Publike, Bahri Selimi, kanë vizituar disa nga fshatrat e prekura nga vërshimet si fshatin Dobërdol, Bajçinë, Peran, Metehi, Pakashticë dhe Murgull.
Bulliqi ka shtuar se në këto fshatra është rritur niveli i ujit për shkak të daljes nga shtretërit e lumenjve si pasojë e reshjeve të mëdha të shiut gjatë orëve të fundit.
“Gjendja e përgjithshme në disa fshatra nuk ԯshtë aq stabile, e shiu i pandërprerë po e vështirëson menaxhimin e situatës”, ka shkruar Bulliqi.
Kryetari Bulliqi ka potencuar se ekipet emergjente nga e shtuna janë në teren dhe “me angazhim maksimal po punojnë të evitojnë e minimizojnë dëmet që mund të shkaktohen nga vërshimet”.
Bulliqi ka apeluar tek të gjithë qytetarët të bashkëpunojnë me ekipet emergjente institucionale në mënyrë që përmes koordinimit dhe kontributit të përbashkët të tejkalohet sa më shpejtë dhe me sa më pak dëme kjo situatë.