Mediat spanjolle bëjnë të ditur se Eduardo Camavinga ka arritur marrëveshje me ekipin e Real Madridit për ta vazhduar kontratën e tij. Camavinga do të jetë pjesë e Real Madridit edhe për pesë sezonet e radhës.
Camavinga i është bashkuar Real Madridit në vitin 2021, dhe që nga atëherë ka zhvilluar 99 ndeshje. Ai luan si mesfushor qendror.
Por, me trajnerin Carlo Ancelotti, atij iu ndryshua pozita e lojës. Ancelotti e ka shndërruar Camavingën në mbrojtës të krahut të majtë. Vetëm në edicionin e kaluar 20-vjeçari ka luajtur gjithsej 59 ndeshje në të gjitha kompeticionet.
Camavinga ka fituar Ligën e Kampionëve, Superkupën e UEFA-s, Kupën e Botës për Klube, La Ligan, Kupën e Mbretit, Superkupën e Spanjës, Kupën e Francës dhe Ligën e Kombeve.