I ftuar në emisionin “Dueli Sportiv” në RTV Dukagjini, Ministri i Kulturës, Rinisë dhe Sportit, Hajrulla Çeku ka folur rreth planeve për të ardhmen që ka ministria që ai drejton.
Ai, fillimisht tha se “ne nuk kemi një dokument strategjik për sportin. Nuk është prodhuar ende një letër e tillë në Ministrinë e Sportit.
Nuk ka ndonjë strategji”. Teksa, përmendi “një nga dokumentet më të rëndësishme në të cilën jemi duke punu është strategjia për sport. është dokumenti të cilën jemi duke e dinamitizu përfundimin dhe së shpejti do e kemi në dorë”.
Ai bëri të ditur edhe pesë pikat kryesore të këtij dokumenti. “Janë pesë objetiva në sport: Rritja e pjesëmarrjes në sport dhe aktivitet fizik, Zhvillimi i kapaciteteve profesionale njerëzore në sportin e Kosovës”, Infrastruktura sportive, Rezultate më të mira ndërkombëtare në sport dhe Formula më e mirë e financimit të sportit”, ka thënë Çeku.