Ministri i Kulturës, Rinisë dhe Sportit, Hajrullah Çeku e ka cilësuar si “vizitë të shkëlqyeshme” vizitën e Kryeministrit të Kosovës, Albin Kurti në Spanjë.
Ministri Çeku ka thënë se fjalimi i kryeministrit Kurti “u duartrokit ngrohtësisht” dhe nga përfaqësuesi i Lartë i Bashkimit Evropian, Josep Borrell. Kurti ka marrë pjesë dhe në Kongresin e Internacionales Socialiste.
Ministri i Kulturës, Rinisë dhe Sportit ka bërë të ditur se kryeministri Kurti ka zhvilluar takime “me liderë shtetëror dhe partiak nga Evropa dhe bota, përfshirë shtetet që nuk e njohin Kosovën”.
Tutje në postimin e ministrit Çeku thuhet se Kurti është takuar me Kryeministrin e Spanjës, Pedro Sanchez, ish Kryeministrin e Greqisë dhe deputetin e Asamblesë Parlamentare të Këshillit të Europës, George Papandreou.
Tutje njoftohet Kurti ka zhvilluar takime dhe me ish Sekretarin e Përgjithshëm të NATO-s, Javier Solana dhe Kryetarin e Malit të Zi, Milo Djukanovic.