Kancelari austriak, Karl Nehammer, do të pritet me një ceremoni shtetërore gjatë vizitës së tij në Kosovë, këtë e ka bërë të ditur Zyra e Kryeministrisë.
Nehammer dhe Kurti do të mbajnë një konferencë të përbashkët për media, pas orës 15:00, në ndërtesën e qeverisë. Qëllimi i vizitës së tij është përforcimi i marrëdhënieve evropiane, pas agresivitetit të luftës në Ukrainë.
Vizita e Nehammer në Kosovë, është pjesë e tour-it të tij, në Ballkanin Perëndimor. Kosova është vendi i tretë që vizitohet pas Serbisë dhe Bosnjë dhe Hercegovinë. Ai pritet t’i vizitojë edhe trupat austriake të KFOR-it.