Kryetari i Shoqatës “Zëri i Prindërve”, Bajram Çerkini, në marshin që po mbahet në Prishtinë, ka thënë se është një ndjesi e mirë të dalësh para një mase të madhe njerëzish.
“E keni bërë edhe më të bukur Prishtinën, për t’i treguar të gjithë atyre që nuk po marrin vesh që liria më të vërtetë ka emër”, ka thënë Çerkini.
“Sot po mbushen 24 vjet, në çdo cep të kësaj Kosove përkujtohen masakrat, vrasjet, vuajtjet tuaja. UÇK, ju jeni ata që na keni shpëtuar”, ka thënë tutje Çerkini.
“Në vend që sot të flasim për zhvillimin, të flasim për llogaridhënien e atyre që kryen krime…Padrejtësi po na bëhen në Hagë pa pikë faji”, ka theksuar ai.