Çerkini për ndërprerjen gërmimeve në Shtaval: Është lojë e Serbisë sikurse ajo në Kizhevak

Kryetari i Qendrës Burimore për Persona të Pagjetur, z. Bajram Çerkini, ka thënë se vendimi për ndërprerjen e gërmimeve nga ana e Serbisë është lojë e tyre për ta zvarritur këtë proces

Drejtuesi i Qendrës Burimore për Personat e Zhdukur, Bajram Qerkini

Komisioni i Serbisë, ka njoftuar se janë ndërprerë punimet në lokacionin e shënjuar në afërsi të Minierës në Shtaval, afër Sijenicës, në territorin e Serbisë. Pas këtij njoftimi të tyre, ka reaguar edhe Komisioni Qeveritar i Kosovës i cili ka akuzuar autoritetet serbe për mosbashkëpunim.

Në lidhje me ndërprerjen e gërmimeve Portali D, ka kontaktuar me  Kryetarin e Qendrës Burimore për Persona të Pagjetur, z. Bajram Çerkinin, i cili e ka konsideruar “lojë të Serbisë”, ndërprerjen dhe mosbashkëpunimin e tyre me autoritetet kosovare.

Ai ka thënë se shteti serb me qëllim po e zvarritë procesin e gërmimeve.

“Lojnat e serbëve i bëjnë siç i kanë bërë në Kizhevac gjithmonë duke e shtyrë me vite, por ato lokacionet të cilat janë marrë vesh dy grupet punuese dy komisionet edhe prokuroria e tyre edhe na i kanë kryer sot”, ka thënë Çerkini.

Çerkini është shprehur se pala kosovare është e papregaditur për t’i ndalur ato që ai i ka cilësuar si lojë të shtetit serb.

“Na e kontestojmë dhe ma shkurt si familjarë themi se është lojë e serbëve, sepse  nëse nuk janë aty, duhet t’u themi ku keni lënë? Por kjo është lojë e cila vetëm serbët dinë em lu,, mjerisht ne jemi të papregaditun me e stagnu këtë lojë të Serbisë”, është shprehur ai.

Ai ka kritikuar edhe bashkësinë ndërkombëtare, duke thënë se duhet bërë më shumë në lidhje me temën e të pagjeturve, sipas tij ata do duhej të jepnin informata më të sakta në mënyrën që të mos zvarriten këto procese.

Serbia ndërpren gërmimet për personat e zhdukur në Shtaval

Shija e redaktorit

Komandanti i Gardës së Ajova-s bashkë me gjenerallejtënant Jashari shohin...

Komandanti i Forcës së Sigurisë së Kosovës (FSK), gjenerallejtënant Bashkim Jashari, së bashku me komandantin e Gardës së Ajova-s, gjeneral major Stephen E. Osborn,...

Kreshnikët e Shalës së Bajgorës

Ulërima e 300 spartanëve dhe mbretit Lenoidhas, i trimërohet e me cinizëm i buzëqesh vdekjes, tash e 2500 vjet. Shaljanët, mund të kenë dëgjuar për...

FFK prezanton nesër përzgjedhësin e ri të Kosovës

Federata e Futbollit të Kosovës (FFK) përmes një njoftimi zyrtar ka bërë të ditur se nesër (e shtunë) do të bëhet prezantimi i përzgjedhësit...

Të fundit nga rubrika