Çështja e dinarit, në pikëpyetje takimi tjetër, Lajçak flet për kushtet

Me 15 maj në Bruksel, u zhvillua takimi i shtatë më radhë mes Kosovës e Serbisë në përpjekje për të gjetur një zgjidhje për çështjen e dinarit. Ky takim që u tha se është i fundit, sipas ndërmjetësit evropian, mund të ndodh tjetri vetëm nëse ka paraprakisht zotim për marrëveshje. Mos arritja e një ujdie, nga njohësit e çështjeve politike po vlerësohet të jetë në dëm të Kosovës

Çështja e dinarit, në pikëpyetje takimi tjetër, Lajçak flet për kushtet.

Shtatë raunde u mbajtën, por në asnjërën dakordim nuk pati.

I dërguari i BE-së për dialogun, Miroslav Lajçak  ka bërë të qartë se takim tjetër mes palëve për çështjen e dinarit, do të ketë vetëm nëse palët kanë vullnet për marrëveshje.

“Gjatë javës së kaluar kam pritur edhe kryenegociatorët e Kosovës dhe Serbisë për atë që e shoh si raundin final të diskutimeve për rregulloren e Bankës Qendrore të Kosovës. Fatkeqësisht, nuk është arritur asnjë marrëveshje dhe është e paqartë se si kjo do të ndikojë në jetën e përditshme të komuniteteve të prekura në Kosovë. Unë mbetem i gatshëm të pres një takim tjetër për këtë temë, me kusht që palët të tregojnë gatishmëri të vërtetë për të arritur një marrëveshje,” ka thënë, I dërguari i BE-së për çështjen e dialogut, Miroslav Lajçak.

Lidhur me këtë çështje nga zyra e zv,kryeministrit Besnik Bislimi, gjatë ditës nuk kanë dhënë një përgjigje.

Derisa zyra e Bislimit hesht, ish-diplomati Blerim Canaj, kritikon Qeverinë e Kosovës që dinarin e bëri temë në tavolinën e Brukselit.

“Kjo është një paralajmërim se kjo mund të jetë puna e fundit e Lajcakut pasi që nga qershori merr pozicion tjetër dhe fare lehtë mund të ndodhë se pas emërimit të një ndërmjetësi tjetër, çështja e dinarit do të vazhdojë të jetë në tavolinën e diskutimeve, deri në zgjidhjen e kësaj çështje,” tha Blerim Canaj, Ish-diplomat.

Mosarritja e një ujdie, ka bërë që Brukseli zyrtar të zmbrapset, vlerëson analisti politik, Artan Muhaxheri.

“ Në shtatë takimet për dinarin palët nuk kanë pas vullnet që të gjejnë një kompromis për të arritur një marrëveshje ose ndonjë kompromis dhe BE nuk ka resurse për të humbur më loja naive të politikanëve kosovarë, nuk kanë as kohë as energji,” u shpreh analisti, Artan Muhaxhiri.

Në takimin e 15 majit që ishte i shtati më radhë në përpjekje për të gjetur një zgjidhje për rregulloren e Bankës Qendrore, e cila parasheh euron si monedhën e vetme për kryerjen e pagesave në Republikën e Kosovës, palët qëndruan gati tetë orë në diskutim,  por pa një rezultat.

Shija e redaktorit

Nga sot shqiptarët udhëtojnë pa viza drejt Azerbajxhanit

Nga dita e sotme qytetarët e Shqipërisë me pasaporta të rregullta mund të udhëtojnë pa viza drejt Azerbajxhanit. Ambasadori i Azerbajxhanit në Shqipëri, Anar Huseynov...

Tre oficerë të FSK-së diplomojnë në Kolegjin CGSC të ushtrisë...

Oficerët e Forcës së Sigurisë së Kosovës(FSK), majorët Alban Bunjaku, Agron Murati dhe Alban Bujupi, pas studimeve njëvjeçare, diplomuan me sukses të lartë në...

Peja dhe Ulqini nënshkruajnë marrëveshjen e binjakëzimit si qytete

Kryetari i Pejës, Gazmend Muhaxheri ka pasur një mysafir të veçantë në zyrën e tij të shtunën. Ai priti me nderime kryetarin e Ulqinit, Genc...

Të fundit nga rubrika