Osman Musliu ka deklaruar se ai dhe familjarët e tij kanë paguar prej 498 eurosh për pasaportë te një kompani nënkontraktuese e Ambasadës greke, shumë të cilën thotë se nuk e ka idenë pse e ka paguar.
Në një lidhje direkte në “Debat Plus” të RTV Dukagjini, ai ka deklaruar se një kërkesë të tillë për në Athinë të Greqisë, e ka bërë së bashku me dy fëmijët e tij, vizë të cilën e kishte pranuar vetëm e bija.
“Kemi konkuruar vajza, unë dhe djali. Vajza ka bërë një kërkesë dhe ka thënë se baba dhe djali janë vetëm shoqërues, na e kanë refuzuar vizën e parë…sikur e refuzojnë këto Ambasadat perëndimore dhe të Evropës, pa kurrfarë arsye, pjesa më e madhe a Ambasadave vrapojnë me para të kosovarëve…sikur nuk na keni bindur që ktheheni. Kemi aplikuar tek Ambasada te qafa, edhe pasaportat na i kanë refuzuar….”, ka deklaruar ai.
“Kemi aplikuar prapë të tretë, i kemi mbushur kushtet. Vajzës ia pranuan vetëm vizën hyrëse prej 7 ditësh, mua dhe djalit jo…498 euro kemi paguar dhe nuk e dimë cila është arsyeja pse kemi paguar”.
Tutje, ai ka thënë se kompani të tilla janë më shumë plaçkash sesa që u shërbejnë qytetarëve.
Së fundmi, është raportimi mbi “VisaMetric”, ai i cili bëri të ditur se për muaj të tërë, VisaMetric ka detyruar qytetarët e Kosovës që të paguajnë shumën prej 30 eurosh për dorëzimin e pasaportës nga lokacioni i kësaj kompanie e deri te shtëpitë e tyre.
Tashmë, Prokuroria Themelore në Prishtinës ka nisur hetimet.