Chollet kërkon nga Kurti ta pranojë planin e BE-së për normalizimin e marrdhënieve Kosovë – Serbi

Këshilltari i lartë i Departamentit amerikan të Shtetit, Derek Chollet, ka kërkuar nga kryeministri i Kosovës, Albin Kurti ta pranojë planin e BE-së për normalizim të marrëdhënieve Kosovë – Serbi

Këshilltari i lartë i Departamentit amerikan të Shtetit, Derek Chollet dhe kryeministri Albin Kurti

Këshilltari i lartë i Departamentit amerikan të Shtetit, Derek Chollet, e ka telefonuar kryeministrin e Kosovës, Albin Kurti për të diskutuar në lidhje propozimin e Bashkimit Evropian për normalizimin e mardhënieve.

Chollet ka thënë se nga Kurti ka kërkuar që ta pranojë këtë plan të propozuar nga BE-ja.

“Kam biseduar sot me kryeministrin Albin Kurti për të diskutuar propozimin e BE-së për normalizimin e marrëdhënieve me Serbinë dhe për t’i kërkuar Kosovës ta pranojë atë. Një temë kryesore ishte partneriteti ynë dhe synimi i përbashkët për avancimin e integrimit evropian dhe euroatlantik të Kosovës”, ka thënë Chollet.

Chollet, po ashtu ka bërë të ditur se ka kërkuar nga Kurti të ecë përpara me themelimin e Asociacionit të Komunave me Shumicë Serbe, si dhe kthimin e serbëve në pozitat që më parë kishin dhënë dorëheqje.

“Ne diskutuam gjithashtu rëndësinë e karakterit multietnik të Kosovës dhe ecjen përpara me diskutimet e Asociacionit të Komunave me Shumicë Serbe në kontekstin e Dialogut dhe nevojën që zyrtarët serbë të Kosovës të kthehen në postet e tyre”, ka thënë Chollet.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika