Çifti i vetëm shigjetar në Kosovë

Gjuajtja në hark është art në vete. Mirëpo, sporti i shigjetarisë në Kosovë nuk është mjaftë i zhvilluar, por ka pasionant të këtij sporti, madje edhe prej shumë vitesh

Është ndër sportet më atraktive, i cili shpesherë quhet edhe art. Madje ata që e praktikojnë, thonë që është i papërshkrueshëm.

Kështu e përshkruan edhe shigjetari Nevron Skënderi, i cili para më shumë se 19 viteve e kishte filluar vetëm për argëtim, pa e ditur se ky lloj sporti do t’i bëhej dëshira më e madhe.

Ai ka thënë se ndonëse disa teknika kanë ndryshuar, fokusi dhe kontrolli në këtë sport mbetën të njëjta.

“Kam filluar shigjetarinë në vitin 2003-2004. Kam marrë pjesë nëpër kampe ndërkombëtare të rinisë. Aty ka pasur pika për të gjuajtur dhe pika për trajnim të shigjetarisë. Në ndërkohë duke shkuar nëpër kampingje, jam trajnuar në shigjetari”, ka shtuar Skënderi.

Para tetë viteve, Nevroni ishte njoftuar me Diedonën. Ndonëse ajo nuk kishte pasur njohuri fare për këtë sport, dalja me të e kishte bërë shumë kurioze.

Dhe kështu pak muaj më vonë, Diedona u bë një shigjetare e dalluar.

“Shigjetarinë si fillim e ka nis Nevroni. Pasi që e kam njoft Nevronin, e kam pasur çdoherë kurreshtjen se a mundem edhe unë të jem trajnere e shigjetarisë. Duke pas mbështetjen e Nevronit tani edhe unë jam trajnere për shigjetari”, ka thënë Diedona.

Gjuajtja në hark është art në vete.

Nevroni ka thënë se për ta mësuar shigjetarinë, duhen disa hapa, mirëpo edhe një koncentrim i madh.

Vendi dhe mjetet me të cilat luhet ky sport, janë shumë të rëndësishme. Ato duhet të jenë të sigurta dhe larg njerëzve.

Shigjetaria, sipas Nevronit dhe Diedones është një argëtim i pa përshkrueshëm. Ata kanë thënë se gjuajtja me hark shkakton varësi, mirëpo një varësi të mrekullueshme.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika