Cilat shtete qëndrojnë pas sulmeve kibernetike ndaj institucioneve të Kosovës? Flet Kujtim Gashi
“Sulmet kibernetike ndaj Kosovës, zakonisht vijën nga shtetet jo mike dhe kjo është adresa që përpiqemi të identifikojmë dhe të marrin masa stafi ekspert i agjencisë së informacionit, që të parandalojnë dhe t’i kufizojnë sulmet”, kështu ka treguar për RTV Dukagjini, ish-drejtori i Agjencisë së Shoqërisë së Informacionit(AShI), Kujtim Gashi. Gashi, ka thënë se ASHI-ja […]
“Sulmet kibernetike ndaj Kosovës, zakonisht vijën nga shtetet jo mike dhe kjo është adresa që përpiqemi të identifikojmë dhe të marrin masa stafi ekspert i agjencisë së informacionit, që të parandalojnë dhe t’i kufizojnë sulmet”, kështu ka treguar për RTV Dukagjini, ish-drejtori i Agjencisë së Shoqërisë së Informacionit(AShI), Kujtim Gashi.
Gashi, ka thënë se ASHI-ja e ka për obligimi ofrimin e sigurisë kibernetike për të gjitha institucionet e Kosovës. Nuk është hera e parë që kjo agjenci ballafaqohet me sulme të tilla, por këto të fundi për të janë më intensive.
Më tej, Gashi ka treguar se “Agjencia e Shoqërore e Informacionit është përgjegjëse për sigurinë kibernetike në Kosovë”.
Pse mund t’i ekspozohet sulmeve kibernetike ASHI, sipas tij, është se ajo ka përgjegjësi në ofrimin e shërbimeve ndaj qytetareve por dhe për shkaka se ajo është më përgjegjëse e platformës e-Kosova, e cila është për shërbime ndaj qytetarëve.
Tutje, Gashi ka folur edhe si është ndërtuar sistemi i sigurisë kibernetike në Kosovë.
“Rrjeti shtetëror në Kosovë funksionon si një rrjet i qendërzuar dhe ka një nivel të sigurisë sepse sistemet e ndjeshme nuk kanë dalje në internet ato, ofrojnë shërbime vetëm brenda rrjeti të infrastrukturës shtetërore pa pas dalje në internet dhe kjo e ka ngritur nivelin e sigurisë”.
Sipas tij rreth 1mijë lokacione janë të cilat kanë qasje në rrjetin shtetëror brenda Kosovës.
A mund t’i zbulojë sulmet kibernetike Kosova?
Gashi është përgjigjur se Kosova sipas tij që nga vitit 2013 ka thënë se i ka kuadrot e duhura për këtë dhe ka pasur sulme por jo dhe sukses pasi për të në këtë luajnë rol dhe sistemet.
“Sulmet mund të zbulohen në bazë të IP-jave, por jo çdo herë sepse IP-ja mund të jenë dhe të pasakta pasi ata e kamuflojnë adresën nga sulmojnë ”, ka deklaruar Gashi në emisionin FIVE në RTV Dukagjini.
Ndërkohë ai ka shtuar Kosova i ka identifikuar se nga i kanë ardhur sulmet kibernetike.















