Njohësi i teknologjisë dhe eksperti i marketingut digjital, Drilon Jaha, ka thënë se investimi i 100 milionë eurove në aftësimin e maturantëve për tregun e punës në Kosovë do të kishte një potencial të madh. Pasi, sipas tij, fusha e IT-së ka një kërkesë të jashtëzakonshme dhe një investim i tillë do të shihet si një hap i madh drejt zhvillimit të sektorit teknologjik.
“Nëse kjo shumë do investohej në shkollimin e mesëm në Kosovë, do e bënte Kosovën një Zvicër të vogël”, pasi, sipas Jahës, efekti i këtij investimit pas një kohë do të ishte “që do krijoheshin 5000-8000 vende të punës, pas 3-5 viteve”.
Më poshtë mund ta lexoni intervistën e plotë me njohësin e teknologjisë dhe ekspertin e marketingut digjital, Drilon Jaha.
Cili do të ishte potenciali, nëse do të investoheshin 100 milionë euro për aftësimin e maturantëve për tregun e punës?
“Kërkesat për fushën e IT janë marramendëse. Nëse kjo shumë do investohej në shkollimin e mesëm në Kosovë, do e bënte Kosovën një Zvicër të vogël”, është përgjigjur njohësi i teknologjisë dhe eksperti i marketingut digjital Jaha.
A do të krijoheshin vende pune dhe në çfarë sfere do të krijoheshin këto vende të punës?
“Me shifrën e cekur, mendoj që do krijoheshin 5000-8000 vende të punës, pas 3-5 viteve”, ka thënë ai.
Cili do të ishte roli i këtyre vendeve të punës në ekonomin e Kosovës dhe a do të kishte ndikim në ndalimin emigrimet të të rinjve?
“Kjo do bënte me shumë tatim pagues, konsumues të rinj për shkak të pagesave të larta që pranojnë dhe do rritej konsumi i përgjithshëm, e cila do shkaktonte rritje të detyrueshme të ekonomisë”, ka përfunduar Jaha.