Kryeministri i Kosovës, Albin Kurti, ka deklaruar se i gjithë zinxhiri i papërgjegjësisë në rastin e vrasjes së 35-vjeçares shtatzënë, duhet të japë dorëheqje.
Për këtë, nënkryetarja e Partisë Demokratike e Kosovës, Vlora Çitaku, i ka reaguar të parit të Qeverisë së Kosovës.
“Kryeministër, Kosova nuk ka Ministër të Shëndetësisë, Kryepokurore as Drejtor të Policisë”, ka thënë ajo, duke e pyetur se “ku e ndal zinxhirin e përgjegjësisë?”.
Kurti nëpërmjet një postimi në rrjetin social Facebook, ka treguar se ka aprovuar kërkesat e Grupit Ndërministror kundër dhunës në familje, pas takimit të sotëm të tyre, për rastin e vrasjes së 35-vjeçares dhe foshnjës së saj të palindur.
Ndër kërkesat, ai ka përmendur edhe ndarjen urgjente të buxhetit për zbatim të Ligjit për mbikëqyrjen elektronike të personave, të cilëve u kufizohet lëvizja me vendim gjykate.
Kurti: I gjithë zinxhiri i papërgjegjësisë duhet të japë dorëheqje