Vlora Çitaku nga PDK, ka reaguar në lidhje me një postim të kryeministrit Albin Kurti, i cili tenton t’i marrë meritat për liberalizimin e vizave.

Sipas Kurtit, “pas një pune të gjatë posaçërisht këto dy vitet e fundit, qytetarët e Kosovës më në fund do të lëvizin pa viza, paska thënë Kurti”.

Kurse Çitaku i ka reaguar duke i thënë se “kontributi” i vetëm i tij për liberalizim të vizave ka qenë gazi lotsjellës në kuvend dhe sipas saj kauza e rrejshme për demarkacionin me Malin e Zi.

“Kryeministër, Kontributi i juaj i vetëm në procesin e liberalizimit të vizave ka qenë gazi lotsjellës në parlamentin e Republikës dhe kauzat e rreme rreth demarkacionit”, ka shkrua ajo.

Çitaku ka vazhduar duke thënë se VV-ja nuk e ka votuar “as pakon ligjore që i ka paraprirë këtij procesi”, dhe po ashtu “njejtë nuk e keni votuar as MSA-në.”.

Sipas saj Komisioni Evropian e ka dhënë rekomandimin për liberalizimin e vizave shumë vite para se Kurti e VV-ja të vinin në pushtet.

“Mos i fyeni qindra shërbyes civil që kanë punuar me shumë zell e përkushtim”, ka shkruar ajo.