“Pa vizion”, e ka quajtur nënkryetarja e Partisë Demokratike të Kosovës, Vlora Çitaku, Qeverinë aktuale të Kosovës të udhëhequr nga kryeministri Albin Kurti.
Përmes një postimi në Facebook, Çitaku e ka kritikuar Qeverinë e Kosovës, duke thënë se nuk kanë asnjë ide konkrete se si të ndihmohen qytetarët.
Çitaku ka thënë se kjo klasë qeverisëse më së shumti definohet nga mungesa e ambicies dhe e guximit për të marrë vendime.
“Sillen si administratorë të dobët të taksave tona. Pa asnjë ide konkrete se si të ndihmohet qytetari i Kosovës, si të ndihmohet sektori privat, si të luftohen barrierat në mënyrë që secili të ketë më shumë mundësi për ta realizuar potencialin e vet. Pa investime kapitale”, ka shkruar ajo.