Manchester City do të përballet me Arsenalin në finalen e Kupës së Ligës, pas eliminimit të fituesit në fuqi, Newcastle United.
Të mërkurën mbrëma, City fitoi edhe ndeshjen kthyese të gjysmëfinales në “Etihad Stadium” me rezultat 3:1. Ndeshjen e parë jashtë fushe e kishte fituar 2:0.
Të tre golat e Cityt u shënuan në pjesën e parë: sulmuesi egjiptian Omar Marmoush shënoi dy herë (7’ dhe 29’), ndërsa mesfushori Tijjani Reijnders realizoi golin e tretë në minutën e 32-të.
Për Newcastle shënoi Anthony Elanga në minutën e 62-të, por kjo nuk mjaftoi për të shmangur eliminimin.
City kalon tutje me rezultatin e përgjithshëm 5:1 dhe finalja kundër Arsenalit do të luhet më 22 mars në “Wembley”.
Newcastle United kishte fituar edicionin e kaluar të Kupës së Ligës, duke mposhtur Liverpoolin.