Nga 1.78 euro për litër sa ishte çmimi i naftës të enjten, të premten ky çmim ka rezultuar të bjerë për një cent, 1.77 euro për litër.
Ministria e Industrisë, Ndërmarrësisë dhe Tregtisë (MINT) ka publikuar çmimet maksimale apo tavan të naftës dhe të derivateve të tjera, për të premten e 21 tetorit.
Krahas saj, edhe benzina dhe gazi kanë rënë për një cent.
Çmimi i benzinës rezulton të jetë 1.40 euro për litër, ndërsa gazi 0.72 centë për litër. Përgjatë të enjtes, çmimi i benzinës ishte 1.41 euro për litër, ndërsa ai i gazit, 0.73 centë për litër.
MINT pritet t’i publikojë çdo ditë çmimet tavan apo maksimale të lejuara për shitjen e derivateve.
Ky vendim është marrë si masë lehtësuese, pas rritjes së çmimeve të derivateve dhe dyshimeve për keqpërdorime nga kompanitë që i shesin ato.
Këto çmime vlejnë nga ora 10:00 e së premtes dhe janë valide për 24 orë.