Ministria e Industrisë, Ndërmarrësisë dhe Tregtisë ka bërë të ditur çmimet e derivateve për 24 orët e ardhshme.
Gjersa çmimi i naftës dhe gazit ka mbetur po i njëjti, çmimi i benzinës ka rënë për 4 centë.
Përmes një postimi në Facebook, MINT ka bërë të ditur se çmimi maksimal i lejuar i produktit dizel është 1.74 euro për litër, i benzinës 1.63 euro për litër, ndërsa çmimi i gazit është 0.78 euro për litër.
Këto çmime do të vlejnë për 24 orët e ardhshme. Çmime të njëjta kanë qenë edhe gjatë dy ditëve të kaluara.
Ministria në fjalë, publikon çdo ditë çmimet tavan apo maksimale të lejuara për shitjen e derivateve.
Ky vendim është marrë si masë lehtësuese pas rritjes së çmimeve të derivateve dhe dyshimeve për keqpërdorime nga kompanitë që shesin derivate.
Çmimi i derivateve ka pësuar rritje për shkak të agresionit rus në Ukrainë. Ndërsa, në Kosovë, çmimi i naftës kishte arritur deri në 1.89 euro për litër.