Agjencia e Statistikave të Kosovës (ASK), ka publikuar Indeksin e Çmimeve të Pronave të Banimit (IÇPB) për tremujorin e tretë (TM3) të vitit 2025, me vit bazë 2018 = 100.
Sipas raportit, çmimet e pronave të banimit në Kosovë u rritën me 2,4% në TM3 2025 krahasuar me të njëjtin tremujor të vitit 2024.
Ndërkohë, krahasuar me tremujorin e dytë (TM2) të 2025, çmimet shënuan një ulje prej 2,1%.
Në Rajonin e Prishtinës, rritja vjetore ishte 1,3%, ndërsa në rajonet e tjera të vendit çmimet e pronave u rritën më shumë, me 4,3%, krahasuar me TM3 2024.