Çollaku: Edhe nëse nuk ka dakordim në Ohër, marrëveshja është e mbyllur

Ish-ministri i Integrimeve Europiane, Bekim Çollaku, vlerëson se në takimin e 18 marsit, në Ohër, mes kryeministrit të Kosovës, Albin Kurti dhe presidentit serb, Aleksandar Vuçiq, mund të mos ketë dakordim.

Megjithatë, Çollaku tha se është e qartë për të gjithë se marrëveshja është e mbyllur dhe e panegociushme.

“Mund të mos ketë dakordim në takimin e Ohrit, por ajo që duhet të kemi të qartë të gjithë është se marrëveshja është e mbyllur, e panegociushme dhe plani zbatues është i natyrës dytësore”, u shpreh Çollaku, për Klan Kosova.

Ish-ministri për neni 7 të planit evropian tha se serbëve i’u jep kompetenca përtej asaj që kanë pasur deri sot, gjë të cilën e konsideron si shumë të rrezikshme për funksionimin e shtetit dhe Kushtetutën.

“Nuk qon peshë a do të themelohet Asociacioni pas 50 apo 200 ditësh, sepse tani po flasim për dicka shtesë që nuk ka ekzistuar në marrëveshjen e 2013. Neni 7 është dicka e re dhe totalisht e panevojshme, por si ka përfunduar në tavolinë është një përgjegjësi që kryeministri Kurti duhet t’ju tregoj qytetarëve të Kosovës pasi kjo ka shkruar në dëm të interesave të Republikës së Kosovës”.

“Forcimi dhe dhënia e kompetenca shtesë përtej asaj që kemi sot dhe që jemi pajtuar në vitin 2013 mendoj se do të rrezikojë seriozisht funksionimin e shtetit dhe Kushtetutën”, tha Çollaku.

Tutje, Çollaku tha se ndërkombëtarët duan që marrëveshja që do të arrihet të respektohet nga të dyja palët në afatet kohore strike.

“Aneksi do të jetë pikë integrale e kësaj marrëveshjeje si pasojë e të kaluarës jo të mirë në zbatimin e marrëveshjeve të arritura deri tani, Faktori ndërkombëtar duan të sigurohen që në këtë marrëveshje të ketë zbatim të qartë me afate kohore strike gjë që nuk janë respektuar në të kaluarën”, deklaroi Çollaku

Shija e redaktorit

Dita e Presidentit, Osmani me familjen e saj e shënon...

24 maji është Dita e Presidentit. Presidentja e Kosovës, Vjosa Osmani, ka thënë se kjo ditë është vendosur nga presidenti historik, Ibrahim Rugova. Osmani ka thënë...

“Në burgun e Dubravës kemi fjetur në qiell të hapur...

Ndonëse këmba e ushtarëve të NATO-s ende nuk kishte shkelur në Kosovë, vëzhguesit e tyre nga ajri e toka po mblidhnin informacione për terrorin...

“Dukagjini” dhe “Pearson Education” rrisin standardet në arsim, organizojnë trajnim...

Shtëpia botuese “Dukagjini”, në bashkëpunim me “Pearson Education”, organizojnë trajnimin njëditor të titulluar “Breathing New Life Into Our Lessons” për mësimdhënësit/et e gjuhës angleze....

Të fundit nga rubrika