Presidenti i Këshillit Evropian, Antonio Costa, ka riafirmuar mbështetjen e Bashkimit Evropian për Kosovën gjatë vizitës së tij në Prishtinë.
Teksa Kosova po i afrohet zgjedhjeve të fundjavës, përmes një postimi në X, Costa u bëri thirrje liderëve politikë që integrimin në Bashkimin Evropian ta vendosin në krye të prioriteteve, pavarësisht dallimeve politike, njofton Dukagjini.
Presidenti i Këshillit Evropian theksoi se Kosova ka nevojë për institucione të forta, stabile dhe funksionale, të cilat mund të zbatojnë reformat e nevojshme, të përfitojnë nga mundësitë që ofron Bashkimi Evropian dhe të përmbushin obligimet që rrjedhin nga dialogu ndërmjet Beogradit dhe Prishtinës.
“Sot ndodhem në Prishtinë për të riafirmuar mbështetjen e vazhdueshme të Bashkimit Evropian për Kosovën. Do të takohem me ushtruesen e detyrës së Presidentes, Albulena Haxhiu, kryeministrin në detyrë, Albin Kurti, si dhe me liderët e partive opozitare. Ndërsa Kosova po i afrohet zgjedhjeve të kësaj fundjave, mesazhi im është i thjeshtë: partneriteti ynë vjen me përgjegjësi. I inkurajoj liderët politikë që integrimin evropian ta bëjnë prioritet, përtej ndasive politike, dhe të punojnë së bashku drejt këtij qëllimi të përbashkët. Kosova ka nevojë për institucione të forta, stabile dhe funksionale, të afta për të zbatuar reformat, për të shfrytëzuar mundësitë që ofron Bashkimi Evropian dhe për të përmbushur të gjitha zotimet që dalin nga dialogu ndërmjet Beogradit dhe Prishtinës”, ka shkruar Costa në X.
Today I am in Pristina to reaffirm the EU’s continued support to Kosovo.
I will meet the acting President @albulenahaxhiu_ , the caretaker Prime Minister @albinkurti and leaders of opposition parties.
As Kosovo heads to elections this weekend, my message is simple: our… pic.twitter.com/2vlkEtSkw6
— António Costa (@eucopresident) June 3, 2026