Analisti politik, Dardan Gashi, ka deklaruar se nuk ka vërejtur gatishmëri të madhe nga PDK-ja për të hyrë në një koalicion qeverisës me Lëvizjen Vetëvendosje, ndryshe nga ajo që sipas tij po shihet te LDK-ja.
Në emisionin “Debat Plus”, Gashi tha se në zhvillimet e fundit politike ka përshtypjen se LDK-ja po tregon më shumë interes për të gjetur një zgjidhje dhe për të dalë nga ngërçi institucional.
“Nuk kam parë ambicie të PDK-së për të qeverisur me VV-në, siç po e shoh tek LDK”, u shpreh ai.