Analisti, Dibran Hoxha, në “Debat Plus” në RTV Dukagjini, ka thënë se marrëveshja e 2013-s është zgjatim i draftit aktual.
“Nëse e vlerësojmë këtë draft-statut dhe e marrim si të mirëqenë, i bie që në çdo pikë, në çdo presje, në çdo fjali, 2013-ta është zgjatim për të ardhur tek ky draft-statuti”, ka thënë Hoxha.
Sipas tij, kryeministri Albin Kurti duhet të japë dorëheqje nëse e ka pranuar draft-statutin e Asociacionit.
“Ky draft-statut është i njëjtë, nëse e ka pranuar (kryeministri Albin Kurti) këtë dhe ka pak vërejtje ose ka me rrëzu Gjykata Kushtetuese ose Albin Kurti duhet të na japë një sqarim, dorëheqje komplet, sepse nuk ka kurrëfarë shpjegimi”, ka thënë ai.