Daçiq quhet manipulant i pamoralshëm politik nga Ambasada e Ukrainës në Serbi

Ambasada e Ukrainës në Serbi ka njoftuar se pretendimet e kryetarit të Partisë Socialiste të Serbisë, Ivica Daçiq, janë manipulime të pamoralshme politike.

Siç shkruan e përditshmja serbe “Danas”, në deklaratën e ambasadës thuhet se janë të bindur se politikani serb po përpiqet që të shfrenojë imagjinatën e tij.

“Në fakt, populli serb, i cili ka një traditë të gjatë të luftës për liri, nuk mund të mbështesë ‘a priori’ veprimet e regjimit të tërbuar (presidenti rus Vladimir Putin), që është rimishërim modern i regjimit nazist të Adolf Hitlerit”, thuhet në një deklaratë të Ambasadës së Ukrainës.

Bazuar në deklaratën e ambasadës, thuhet se e njëjta e ka konsideruar imorale përkrahjen e qytetarëve serbë ndaj Rusisë.

“Është përpjekje e pamoralshme për të imponuar mbështetje ndaj qytetarëve të zakonshëm serbë për vrasjen e fëmijëve ukrainas, bombardimin e shkollave, spitaleve, materniteteve dhe shkatërrimin e qyteteve, duke dëmtuar kështu nderin dhe dinjitetin e vëllazërorëve dhe liridashësve të popullit serb”, vijon deklarata.

Po ashtu, në këtë deklaratë theksohet se populli serb e ka përcaktuar qartë vektorin e lëvizjes së tij.

“Populli i një vendi që është kandidat për anëtarësim në BE nuk mund të mbështesë ata që vazhdojnë punën e Adolf Hitlerit, Jozef Stalinit dhe Pol Potit në shekullin e 21-të, dhe në atë minojnë idealet e komunitetit evropian”.

Ndërkaq, Daçiq, teksa ka folur për situatën në Ukrainë për “Happy TV”, ka pohuar se Serbia nuk ka dyshim që është në anën e Rusisë.

Ai ka potencuar se Serbia nuk është pro luftës, por sipas tij, nëse Serbia nuk e mbështet Rusinë atëherë edhe ata do të mbesin pa përkrahjen e rusëve.

“Një klimë po krijohet në Rusi për të justifikuar ndërhyrjen në Ukrainë. Është e pasaktë që do të merrnim diçka, nëse do të ishim kundër Rusisë. Rusia do të mbijetojë pa ne, por ne do të humbasim mbështetjen e tyre. Nëse i humbim ata, atëherë nuk kemi mbështetjen e askujt”, tha Daçiç.

Ndryshe, agresioni rus ndaj Ukrainës kishte nisur më 24 shkurt të këtij viti.

Për shkak të agresionit rus në Ukrainë, BE-ja dhe SHBA-të kanë vendosur një sërë sanksionesh të ashpra ndaj Rusisë.

Por, këtyre sanksioneve nuk i është bashkangjitur edhe Serbia.

Shija e redaktorit

Ballkani me fitore historike, një hap larg kualifikimit në Ligën...

Ballkani ka fituar ndeshjen ndaj Shkupit në kuadër të play-offit të Ligës së Konferëncës në Stadiumin “Todor Proeski” në kryeqytetin e Maqedonisë së Veriut. Ekipi...

KB Prishtina bëhet pjesë e garës më të re të...

Kryetari i Klubit të Basketbollit Prishtina, Blerand Stavileci ka bërë të ditur se klubi i tij ka marrë ftesën për pjesëmarrje në garën më...

DokuFesti me turistët e huaj, infuzion për ekonominë e Prizrenit

Dhjetëra e mijëra vizitorë vendorë e ndërkombëtarë kanë shkelur rrugëve të qytetit të Prizrenit gjatë javës së fundit. Shkaku i këtij fluksi turistësh në kryeqytetin historik...

Më të lexuarat

“Kemi pritur mjaft, është koha për paqe” thonë qytetarët në...

Grafitet e vendosura dhe patrullat e Policisë, janë pamjet që po e shoqërojnë Mitrovicën Veriore gjatë së enjtes së 18 gushtit. Të heshtur por në...

Escobar pas takimit me Kurtin: Asociacioni duhet të formohet sipas...

I dërguari i Shteteve të Bashkuara të Amerikës për Ballkanin Perëndimor, Gabriel Escobar, pas takimit me kryeministrin e Kosovës Albin Kurti, ka thënë se...

Mandl kërkon sqarim nga BE-ja për referimin ndaj kryeministrit Kurti...

Në njoftimin e faqes zyrtare të Bashkimit Evropian(BE) për takimin që u mbajt të enjten e 18 gushtit në kuadër të dialogut Kosovë-Serbi, është...

Të fundit nga rubrika