Ministri i Punëve të Jashtme, Ivica Daçiq, është ankuar se në historinë e re të Serbisë ka pasur shumë momente të vështira, pasi sipas tij, serbët në Kosovë janë vënë në një situatë ku nuk kanë ku të shkojnë, pra nuk kanë zgjidhje tjetër.
Daçiq ka theksuar se ndërkombëtarët nisen nga fakti se Kosova ka të drejtë të fusë shtetin ligjor dhe në Veri të Mitrovicës.
“Kjo nuk është lëvizja e parë, ka qenë ushtria, pastaj vendosja e taksave. Nga ana tjetër, ata nuk do të hyjnë në iniciativa rajonale, por duan të përfitojnë nga ky momentum, që është që Komuniteti Ndërkombëtar dëshiron të ta zgjidhim çështjen e Kosovës sa më shpejt dhe kjo nga ana tjetër të mos ketë lidhje me Ukrainën, ata që e njohën Kosovën tani po na detyrojnë të vendosim sanksione ndaj Rusisë, dhe nuk duan të ndryshojnë situatën dhe vendimin për Kosovën”, ka deklaruar Daçiq.
Ai ka shtuar se ajo që Vuçiq po bën tani është opozitë, sepse më në fund duhet të respektohet Marrëveshja e Brukselit.
“Është e rëndësishme që kur gjërat janë të vështira, të ketë stabilitet mes njerëzve. Duhet të mendojmë për të gjithë problemin, çfarë do të bëjmë nesër, pasnesër”, ka theksuar Daçiq.
Sipas tij, ai bisedimet i kishte nisur në vitin 2012 dhe “Marrëveshja e Brukselit është nënshkruar në vitin 2013. Komuniteti ndërkombëtar nuk po reagon. Ajo që po ndodh këto ditë është kulmi i një politike që në fund të fundit kërcënon mbijetesën e serbëve në Kosovë dhe në afatgjatë, se ata nuk janë më atje, ata e dinë se përderisa ka serb atje, ne mund të flasim për interesat tona kombëtare”, ka thënë duke u ankuar Daçiq.
Më tej, ai u ka bërë thirrje serbëve që të jenë të unifikuar.
“Mbrëmë, kur erdha nga Vjena, mora pjesë në një takim me Lajçakun, i cili zgjati plot pesë orë. Erdha pas një ore, dhe gjithçka zgjati deri në mesnatë. Pas kësaj, Vuçiq vazhdoi komunikimin me serbët nga Kosova”, Përfunduar ai.