Federata e Futbollit e Kosovës ka njoftuar të enjten pasdite se kanë dalë në shitje biletat për ndeshjen mes Kosovës dhe Zvicrës, që zhvillohet më 18 nëntor në stadiumin “Fadil Vokrri” në Prishtinë.

Çmimi i një bilete në tribunën veriore ose jugore është 10 euro.

Për tribunën në lindje bileta kushton 20 euro, kurse për perëndim 30 euro.

100 euro është çmimi i biletës në sektorin VIP.

Ndeshja mes Kosovës dhe Zvicrës është e vlefshme për kualifikimet e Kampionatit Botëror 2026.

Interesimi për këtë takim është shumë i madh, pasi mund të përcaktojë fatin e “Dardanëve” për kualifikim direkt apo për kalim në fazën “play-off”.