Ilir Deda ka reaguar lidhur me procesin e zgjedhjes së presidentit, duke paralajmëruar për shkelje të Kushtetutës.
Përmes një postimi ai theksoi se nuk mund të ketë raund të parë të votimit pa pjesëmarrjen e numrit të kërkuar të deputetëve.
“Nuk ekziston raundi i parë i zgjedhjes së presidentit pa pjesëmarrje të 80 deputetëve në votim. Procedimi me votim pa 80 deputetë është shkelje e Nenit 86 të Kushtetutës – këtë e dimë që nga viti 2011”, ka shkruar Deda.
Sipas tij, çdo veprim jashtë këtij standardi përbën shkelje të drejtpërdrejtë të rendit kushtetues.