Deklaratat e Memli Krasniqit bëjnë jehonë në mediat rumune

Krasniqi ka reaguar mbrëm ndaj slloganit diskriminues "Kosova është Serbi" dhe ka ndarë qëndrimin e tij për statusin e Kosovës si shtet i pavarur. Këto deklarata kanë shpërthyer në mediat rumune, duke i kthyer ato në një debat publik dhe duke i quajtur skandale diplomatike, organizimin e dobët të ndeshjes dhe përdorimin e slloganeve fashiste nga tifozët vendas

Kreu i PDK-së, Memli Krasniqi FOTO:EO

Deklaratat e Memli Krasniqit kanë shkaktuar reagime të shumta në Rumani.

Mbrëmë, në ndeshjen kualifikuese në mes të Rumanisë dhe Kosovës në Bukurresht, tifozët vendas shpalosën një sllogan “Kosova është Serbi”. Si pasojë e këtij sllogani, gjyqtari i ndeshjes ndërpreu ndeshjen për disa minuta, për shkak të komenteve diskriminuese.

Gjatë pauzës së ndeshjes, Kryetari i Partisë Demokratike të Kosovës, Memli Krasniqi, bëri një postim i cili ka nxitur reagime të shumta në mediat rumune.

“S’ka sllogan që e ndryshon realitetin tonë! Që nga 17 shkurti i vitit 2008, Kosova është shtet i pavarur, ndërkaq, që nga 3 maji i vitit 2016, Kosova është anëtare me të drejta të plota në UEFA. Slloganet politike, koret fashiste, fishkëllimat e sharjet drejt djemve tanë dhe Kosovës në Rumani – nuk na ndalin”, ka shkruar Memli Krasniqi.

Më tej, ai tha se ”Kosova, si shtet dhe si kombëtare futbollistike, do të paraqitet me krenari gjithandej nëpër botë, edhe ku nuk na duan e posaçërisht aty”.

“Kemi punuar shumë për këtë ditë dhe nuk dorëzohemi para fashistëve të vegjël turbofolk. E përjetshme është Kosova!”, ka përfunduar shkrimin e tij lideri i opozitës kosovare.

Nëpër mediat rumune, deklaratat e Krasniqit kanë zënë ballinat e mediumeve sportive dhe jo vetëm, duke e quajtur organizimin e dobët të ndeshjes në Rumani dhe slloganet fashiste edhe si “Skandale Diplomatike”.

Shikoni më poshtë disa nga postimet e mediave rumune:

Shija e redaktorit

Spanja kampione e Evropës për herë të katërt

Ka mbaruar super ndeshja mes Spanjës dhe Anglisë në kuadër të finales së Kampionatit Evropian 2024. Pas një loje fantastike, Spanja ka përmbyllur ndeshjen me...

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Të fundit nga rubrika