Politikani serb, Nikola Sanduloviq, ka reaguar ndaj deklaratave kërcënuese të presidentit serb, Aleksandër Vuçiq.
Përmes një postimi në platformën “X”, Sanduloviq ka shkruar se kishte paralajmëruar më parë BE-në dhe SHBA-në se kjo do të ndodhte.
“Unë kam folur dhe paralajmëruar BE-në dhe ShBA-të se kjo do të ndodhë në kohë… shumë vite më parë. Ata nuk më dëgjuan dhe besuan premtimet e tij të rreme për paqen në Kosovë dhe në Ballkan”, ka shkruar ai.
Sipas tij, ata heshtën për vite të tëra për kriminalitetin e tij të dukshëm, vjedhjen e zgjedhjeve, marrëdhëniet me Putinin, Dodikun, Orbanin dhe diktaturën që po zbaton në Serbi.
“Tani ata morën rezultatin e naivitetit dhe mungesës së interesit për atë që unë ofroja dhe prezantoja”, ka shkruar tutje Sanduloviq.
I have spoken and warned the @EU and the @USA that this will happen on time…many years ago. They did not listen to me and believed his false promises about peace in #Kosovo and the #Balkans. They kept silent for years about his obvious criminality, election theft, relations… pic.twitter.com/m5hdWOfU5V
— Nikola Sandulovic (@Sandulovic_N) March 19, 2024
Presidenti serb, Aleksandar Vuçiq, së fundmi ka bërë disa deklarata kërcënuese ku ka theksuar se Perëndimi duhet të zgjedhë mes Kosovës dhe Serbisë.