“Deklarimet e presidentit serb, Aleksandër Vuçiq, nuk duhet t’i marrim seriozisht, pasi po i thotë pionieri i Vojislav Sheshelit dhe ish-ministri i Sllobodan Millisheviqit”, ka thënë ish-ushtaraku, Hasan Preteni, në “FIVE” të RVT Dukagjinit.

Preteni komentoi deklarimet e Vuçiq në lidhje me sulmin terrorist në Basnjkë të Zveçanit, të dielën e 24 shtatorit. Sipas tij ato janë “deklarime hipokrite e fashiste të cilët nuk munguan nga “drama queen”, siç është Vuçiqi”.

“Vuçiqi është në krye të një shteti që jeton nga gënjeshtra…. Vuçiq i ka humb kompasi edhe pas kësaj goditje që mori të dielën dhe për çdo ditë që po i merr i ka humb kompasi dhe nuk është racional dhe nuk duhet me marrë seriozisht. Nuk është me rëndësi se çka po thotë po kush po thotë, po e thotë Vuçiqi i cili opinioni e njohin, e njohin nga Bosnja, e njohim nga vitet 98 – 99 nga veprimet në Kosovë. Ishte pionier i Sheshlit, ministër i Millosheviqit, më pastaj që disa vite kryetar dhe të gjitha veprimet ishin janë të bazuara në gënjeshtra”, ka thënë Preteni.

Ndërsa, për ish-ushtarakun ajo çka bëri Policia e Kosovës në Bansjkë ishte një goditje e fuqishme dhe një rezultat i fuqishëm, pasi sipas tij, terroristët e kishin planifikuar këtë sulm, por, që iu dështoi.