Zëdhënësja e Prokurorisë Themelore në Prishtinë, Laureta Ulaj, për RTV Dukagjinin ka thënë se vrasja në rrugën “C” në Prishtinë nga prokuroria është klasifikuar si “Vrasje e rëndë”.
Sipas saj, prokuroria është në koordinim të plotë me Policinë e Kosovës dhe institucionet relevante, dhe se janë duke punuar për zbardhjen e këtij rasti.
“Lidhur me këtë rast, ju njoftojmë se me urdhër të Prokurorit të Shtetit janë iniciuar hetime në drejtim të veprës penale “Vrasja e rëndë”, derisa në koordinim të plotë me Policinë dhe institucionet relevante janë duke u ndërmarrë veprime hetimore në mënyrë intensive, me qëllim të ndriçimit të gjitha rrethanave të këtij rasti, si dhe indentifikimit të personit/ave të dyshuar në këtë rast”, ka thënë zëdhënësja e Prokurorisë Themelore në Prishtinë, Laureta Ulaj, për RTV Dukagjinin.
“Me urdhër të Prokurorit të Shtetit, trupi i pajetë është dërguar në IML, për obduksion”, ka shtuar ajo.
Ajo ka përfunduar duke thënë se “për shkak të ruajtjes së integritetit të hetimeve, aktualisht nuk mund të japim detaje të tjera”.