Një nga veturat Ferrari të Michael Schumacherit që fitoi kampionatin nga sezoni 2000, pritet të arrijë deri në 9.5 milionë dollarë në ankand në Hong Kong muajin e ardhshëm, sipas Sotheby’s.
Ferrari F1-2000 u drejtua nga Schumacher gjatë fitores së tij në Çmimin e Madh të Brazilit, si dhe kur ai fitoi “pole position” në Çmimin e Madh të Monakos të njëjtin vit.
Ai sezon shënoi të parin nga pesë titujt radhazi botëror të shoferit gjerman me Ferrarin dhe kampionatin e parë të ekipit për 21 vjet, raportoi CNN.
Ferrari F1-2000, i menduar fillimisht si një veturë rezervë për shtatë herë kampionin e botës, do të dalë në ankand me Sotheby’s muajin e ardhshëm dhe pritet të arrijë midis 7.5 dhe 9.5 milionë dollarë.
Vitin e kaluar, F2003-GA e Schumacherit, në të cilën ai regjistroi pesë fitore në gara, u bë vetura më e shtrenjtë e Formula 1 në histori kur u shit për 14.9 milionë dollarë në Gjenevë të Zvicrës.
54-vjeçari pësoi një dëmtim të trurit të pësuar në një aksident me ski në dhjetor 2013.