Deliu kërkon shkarkimin e ministrit Aliu: Auditori konfirmoi pretendimet e PDK-së për korrupsion në MI

Deputetja e PDK-së, Blerta Deliu, ka ngritur shqetësimin për parregullsitë që auditori i ka gjetur në Ministrinë e Infrastrukturës. Ajo ka thënë se muaj më parë PDK-ja kishte ngritur shqetësimin për disa kontrata në këtë ministri, disa nga to njëburimore

Deputetja e PDK-së, Blerta Deliu

Partia Demokratike e Kosovës, ka kërkuar shkarkimin e ministrit të Infrastrukturës, Liburn Aliu, për shkak se siç thuhet nga kjo parti opozitare, Auditori i Brendshëm ka gjetur disa parregullësi në këtë dikaster.

Deputetja e PDK-së, Blerta Deliu, gjatë fjalimit të saj në seancën plenare, ka thënë se tre muaj më parë PDK-ja kishte ngritur shqetësimin për disa kontrata në këtë ministri, disa nga to njëburimore.

Sipas saj, të njëjtat janë konfirmuar nga Zyra Kombëtare e Auditimit.

“PDK-ja fton prokurorinë që t’i hetojë dhe t’i zbardhë të vërtetat. Një raport i kualifikuar nga ZKA-ja është bazë për hetime dhe për kryeministrin që ta shkarkojë ministrin Aliu”, ka thënë ajo.

“Pse nuk e keni shkarkuar askënd për këto parregullsi që thatë se vetë keni iniciuar auditim? Pse nuk jeni distancuar asnjëherë nga zëvendësministri Durmishi i cili ka deklaruar se ka lidhje miqësore me disa kompani që ju i keni shpërblyer me kontrata milionëshe?”, ka pyetur ajo.

Në anën tjetër, ministri Aliu ka thënë se dyshimet për parregullsi i kanë marrë nga ankesat e operatorëve.

“Ky raport ka treguar që ka parregullsi dhe ne e marrim seriozisht dhe e ftojmë në prokurori. Është pikërisht ky raport i auditimit që është iniciuar që është ndalur ai proces, dhe ky ka prodhuar edhe atë serinë e sulmeve serike mediatike kundër nesh”, ka thënë ai.

Ministri i Infrastrukturës, Liburn Aliu

Sipas tij, parregullsi brenda ministrisë ka pasur jashtëzakonisht shumë dhe dukuria e tillë ka tendencë të vazhdojë edhe më tej.

“Kemi krijuar edhe komisione të tjera për shqyrtim të projekteve specifike pikërisht për këto parregullsi. Për shkak se ajo që e shohim nga e kaluara, nga ajo qe kemi trashëguar nga ju, nuk ka të bëjë me institucione e me shtetndërtim.. e jona është të vendosim rend. Thatë që nuk po distancohemi, në momentin që hetimet të përcaktojnë konkretisht orientimin, patjetër që do të marrim masa, absolutisht për secilin zyrtar”, shtoi ai.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika