Dëmet nga vërshimet, AKK: Qeveria t’u mundësojë komunave një fond emergjent

Asociacioni i Komunave të Kosovës ka vizituar komunën e Skenderajt, pas dëmeve nga vërshimet. Bordi i AKK-së ka kërkuar që Qeveria t’u mundësojë Komunave një fond emergjent

Pasojat e vërshimeve në Komunën e Skenderajt (foto: Marjan Komani; ilustrim)

Delegacioni i Bordit të Asociacionit të Komunave të Kosovës ka vizituar, të dielën e 22 janarit, komunën e Skenderajt, pas dëmeve nga vërshimet.

Siç njofton AKK, kjo vizitë u bë për të parë nga afër situatën pas vërshimeve nga të reshurat dhe për t’u solidarizuar me qytetarët e zonave të prekura.

“Delegacioni i Bordit të Asociacionit të Komunave të Kosovës në përbërje z.Agim Aliu – kryetar, z.Imri Ahmeti – nënkryetar, z.Bali Muharremaj – anëtar dhe z.Sazan Ibrahimi – drejtor Ekzekutiv, kanë vizituar sot Komunën e Skenderajt, ku janë pritur nga kryetari z.Fadil Nura. Kjo vizitë u bë për të parë nga afër situatën pas vërshimeve nga të reshurat dhe për t’u solidarizuar me qytetarët e zonave të prekura nga kjo fatkeqësi natyrore. Po ashtu delegacioni i Bordit të AKK-së me këtë rast shprehu solidarizim me gjitha zonat e prekura nga vërshimet në komunën e Skenderajt, Istogut, Mitrovicës, Klinës, Podujevës dhe zonat e tjera, të cilat u prekën nga të reshurat e shiut”, ka shkruar AKK-ja në njoftim.

Bordi i AKK-së ka kërkuar që Qeveria t’u mundësojë komunave një fond emergjent, pasi vërshimet nuk janë problemi i vetëm, me të cilin, komunat mund të përballen sa u përket fatkeqësive natyrore.

“Bordi i AKK-së ka kërkuar që Qeveria duhet t’u mundësojë Komunave një Fond Emergjent, pasi vërshimet nuk janë problemi i vetëm, pasi gjatë vitit Komunat ballafaqohen edhe me fatkeqësi të tjera natyrore. Prandaj, Bordi kërkon që Fondin Emergjent ta menaxhojnë Komunat për t’u ardhur në ndihmë qytetarëve të tyre”, thuhet në njoftimin e AKK-së.

Ndryshe, në takim u diskutua edhe për mundësinë e bashkëpunimit mes komunave në raste të fatkeqësive natyrore.

Shija e redaktorit

Albina Kelmendi dhe familja do të performojnë në natën e...

Shqipëria e cila këtë vit prezantohet nga Albina Kelmendi me familje me këngën “Duje”, do të performojnë në natën e dytë gjysmëfinale, më 11...

Komuna e Prishtinës publikon çmimet e reja për trafikun urban

Komuna e Prishtinës në kuadër të Marrëveshjes së Kredisë mes Trafiku Urban Prishtinë dhe Bankës Evropiane për Rindërtim dhe Zhvillim (BERZh), me qëllim të...

Libraria “Dukagjini” fiton çmimin FIDES 2022 për kontributin korporativ

Libraria "Dukagjini" ka marrë të mërkurën e 18 janarit çmimin FIDES 2022 për kontribut korporativ. Ky çmim librarisë "Dukagjini", ju dha për kontributin e vazhdushëm...

Më të lexuarat

Në Kuvendin e Serbisë kërkohet mbyllja e kufijve për kosovarët që...

Slavisha Ristiq, anëtari i Komisionit Parlamentar për Kosovën në Kuvendin e Serbisë, ka kërkuar që të mos u lejohet hyrja në Serbi, kosovarëve që...

WhatsApp lëshon përditësimin e ri  për t’i lejuar njerëzit të...

WhatsApp ka lansuar një përditësim të madh të ri për t'i lejuar njerëzit të bisedojnë edhe në mes të mbylljeve të internetit. WhatsApp ka lansuar...

IKD: Shteti ka dështuar në rastin “Kobra”

Instituti i Kosovës për Drejtësi ka thënë se rasti “Kobra” paraqet një shembull të dështimit të sistemit të drejtësisë, i cili, sipas tyre, ka...

Të fundit nga rubrika